ازاى تعرف البنت تحبك

عدد الرسائل : 53 تاريخ التسجيل : 25/02/2008

بسم الله الرحمن الرحيم
طبعا انت داخل عايز تعرف البنت تحبك ازاي
زي مانا هقلكم علي حاجات انتم كمان لازم تقلولي علشان نوصل بالموضوع للكمال
ماشي يارجاله ياله نبدأ

اولا : بلاش تصدق اي حد يقولك ان البنت بتحب الولد العاقل لان الراجل العاقل تعجب بية بس لكن مايخطفش قلبها ولو حبيت تعمل عاقل اعمل بس بمسكنة شوية قال يعني انك المعذب في الدنيا وان الدنيا هي الي خليتك تستخدم عقلك وتموت عواطفك يعني خليك حريك كدة وحسيسها انك محتاجلها.

ثانيا : البت بتحب الواد الرومانسي يعني الي يضحك عليها يعني اهريها كلام حب وياريت تمسك ايدها وتقولها انتي رجعتيلي حياتي اوعي تبعدي عني ....يعني تعملها قيس كدة وهو جي علي الحمار المكسح .

ثالثا : البنت بيأنب ضمرها اوي الواد الي واخد بومبة يعني متفرقع من واحدة تانية يعني يا ريت ترسم عليها الدور كويس وتقالها انها عملت وعملت الي انت كنت بتحبها قبليها وانها سابتك في عز احتياجك ليها ودمعلها وتقالها ارجوكي مش عايز افتكر حاجة انتي عارفة يعني اية كرامة الراجل لازم تنزل دموع التماسيح كويس اوي .......... حسيسها انك محتجلها ومتخفش هي طيبة و على نيتها هتقع وهتصدق .

رابعا : البنت بتحب الواد الاستيل والعضالات......... وطبعا انت الاستيل ممكن تتصرف فيها وتستلف ملابس اي حد لكن المشكلة في موضوع العضلات انت ممكن تلبس هدوم كتير علي بعض او حل تاني تقولها انك كنت عضلات زمان لكن من ساعة الي حصلك من البت الي فاتيت وانت بتاكل في نفسك ومعلش انك هتحاول تاكل كويس وتلعب رياضة .

خامسا : البت بتحب الواد ابو دم خفيف يعني بلاش تكون نكدي معها.

سادسا : البت بتحب الواد الجاد في شغلة اوي يا سلام ترسملها الدور كدة كويس اوي انك زويل في مجالك وانك بتعمل شغل ماحصلش وتحسيسها بالذنب بانك بتضحي بوقتك علشان تكون معاها .......... طبعا لازم تكون ناصح علشان تكلم غيرها في الوقت تاني ويا سلام بقا يا واد لوتحكيلها قد اية انت بتقاسي وانك مستحمل العذاب علشان عش العصفور .

سابعا : البت بتحب الواد الي يحسيسها بجملها وقد اية هي طيبة وغلبانة وذكية وتحسيسها انها هتفضل جواك علي طول في كل لحظة رغم ان في كتير هيموتوا عليك ولازم تخوفها كتير انك ممكن تضيع من غيرها وانك نفسك انها تكون اخر واحدة في حياتك زي ما انت حاسيس انها الاولي حاليا يعني بالعربي حسيسها انها الاميرة الحافية .

ثامنا : اتمحك فيها كل شوية تكلمها وتحسسها انها في بالك علي طول .......يعني اول ما تصحة من النوم اتصل بيها او ابعتلها رسالة ولما تفطر ولما تتغدي ولما تتعشا كدة يعني ويا سلام لو هي بتشتغل اقرفها كل شوية وكلمها وقولها انك قلان عليها وانك مش بتستريح غير لما تكون في البيت ......... قولها وحشتيني موت وانك نفسك تكون معاك في كل لحظة يعني خليك واد حريك خليها كدة تحس ان ما فيش حد بيحبها في الدنيا دية قدك .

تاسعا : حسسها انك واد بس اة ست بيت بتعرف تعمل كل حاجة وهتساعدها في بيتكم ......... بالعربي كدة عرفها انك هتشارك معها في كل حاجة قولها يا حياتي دة انا نفسي اخليكي اميرة تقعدي كدة والناس كلهم يخدموكي دة انا يا توتة اخدمك برموش عنيا حتي لو رموشك وقعة عرفها يعني انك راجل بمعني الكلمة يعني كدة تكون سبع رجالة في كرتونة واحدة .

عاشرا: بالرغم من انك راجل شرقي قولها انك بتامن بحرية المراءة وان المراءة تلبس الي هي عايزة بس في حدود الادب وانك عايزها تلبس كل الحلو ليك بس في بيتكم ....يعني حسيسها انك بتفهم في الزوق ولو ما تعرفهوش هات كتاب الحياة ........عرفها انك واد حمش .

الحادي عشر: حسسها انك راجل مخك كبير اوي وانك هتستحملها في وقت غضبها رغم انك عصبي ودية علشان تعرفها قد اية انك بتحبها وعرفها انك هتقف جنبها في كل مشكلها .........ولما تحصل مشكلة يبقي اتلككلها علي اي حاجة .

الثاني عشر: عرفها انك مش بتحب اي حد يكلمها غيرك وانكم زي بعض في كل حاجة حتي من كتر حبك ليها انت بقيت شكلها ........قال يعني هي مسيطرة عليك .

الثالث عشر: قولها ان مافيش حد هياخد مكانك وانك مهما تعملي هفضل احبك بالرغم ان دية مش مبادئك بس سبحان اللة انت مستعد تتنازل عن اي حد في الدنيا الا انتي........... عرفها انك عندك مبادئ وانك متمسك بيها .
ملاحظة

*** لو البنت وقعت فيك وماتيت في دبابيبك فتحها في موضوع الارتباط واشرحلها ظروفك الي ذي الزفت وانها هتعب بس في الاول ........بس هتشوف حياة تانية خالص بعد الجواز وانك حبك هيكبر ليها بعد الجواز خليها تحلم بالجنة الي عمرها ماهتشفها واعمل انك نفسك انها تكمل معاك للنهاية وانك خايف لمتستحملش معاك المشوار يعني اتقل عليها شوية وحسيسها انك خايف منها .....امال خليها هي الي تقرب وانت افضل مكانك بس مش كتير اوي احسن تزهق وتفوق .

*** لو البنت عمليت عبيطة ومش واخدة بالها منك افهم انها مقطعة السمكة وديلها وانها سمعت الكلام دة كتير قبل كدة.

اتمنى يكون الموضوع عجبكم

افتكر ان البنت بتحب كدا
بس لو الوالد بيعمل كدا تمثيل يبقى كذاب ومخادع
ودمتم بخير

Admin عدد الرسائل : 278 تاريخ التسجيل : 18/01/2008

اولا حبيت ارد على الموضوع ده لانه شدنى قوى
واحب الفت نظركم لحاجه مهمه
اذا البنت اخلصت وحبت بجد وضحت عشان اللى بتحبه وعرضت نفسها لمشاكل والالم وجروح ...................وفى الاخر سبها الولد او استغنى عنها لو كان بيتسلى وبيضيع وقت فده يبقى عيب منه هوه او نقص عنده انه حب يلعب بمشاعره او يقضى وقته
ونصيحه لكل البنات خافوا على نفسكم من الحب ولم تحبوا لازم تختاروا الشخص الصح والوقت الصح واكبر مقايس للبنت عشان تعرف حب الولد ليها لازم يكون اكتر واحد بيخاف على سمعتها وللاسف قليل قوى النوع ده بس موجود

عندما تجرحك سكين وتتألم بعدها بدقائق يتوقف النزيف ..
عندما يجرحك شخص بكلمات تنساه فى غياهب الحياة ..
لكن .. جرح من سكن قلبك يوماً ..
يظل ينزف طواااال الأيام .. لأنه طعنة غير متوقعة

..

عدد الرسائل : 279 تاريخ التسجيل : 23/02/2008

انا شايف ان الحب شىء جميل جدا بس انا عمرى ما اضحك ع واحدة لان اللى هتعملة هيحصلك